Don Carnal chegou ao Colexio traendo consigo a Pi e Pa, Miñoca e Pete o coello espacial. Polos recunchos do noso edificio surxiron elegantes pingüins e coloridos paiasos, mosqueteiros da súa maxestade o Rei Sol e flautistas de sombreiro verde e pluma vermella.

Noivos e noivas felices, iougures, animadoras, hippies, romanos e un grupo de artistas que demostraron que o rock non está esquecido.

O desfile de todos eles encheu de cor e de alegría o patio durante unhas horas deixándonos cheos dos urxentes desexos de que Don Carnal tarde en marchar e de que volte axiña se é que ten que partir logo do mércores de cinza.